SEKAR SINOM

Komite sekolah nyata
Gedhe paedahe yekti
Aneng bidang pendidikan
Mbiyantu sekolah yekti
Mrih lestarining siswi
Kang sanya angudi ngelmu
Ngelmu ingkang sinedya
Ngupadi ngelmu utami
Ing pamuji rahayu ingkang pinanggya

Peran komite sekolah
Mitra kerja sekolah nagri
Nhdukung majuning pendidikan
Mutu pendidikan siswi
Mugya biso lestari
Para siswa ngudhi ngelmu
Den gegulang para Dwija
Rame gawe sepi pamrih
Ing pangajab dadya siswa kang utama

Wajib sekolah kawarna
Mikirake para siswi
Siswa miskin kang utama
Bisa bareng ngudi ngelmi
Siswa gembira ati
Bisa nampa ngelmu tuhu
Nunggal cipta rasa karsa
Para siswa Dwija sami
Kasembahan mutu pendidikan ira

Sekolah kurang waragad
Musyawarah wali murid
Komite dadya pangarsa
Ngrembug, marang wali murid
Pendidikan lumaris
Program sekolah lumaku
Para siswa suka maneh
Gumregut angudi ngelmi
Mutu pendidikan para siswa kalekanan

Nunggal cipta rasa karsa
Komite sekolah aglis
Tumeka ingkang sinedya
Dumugi ingkang pinuji
Pinuji bisa dadi
Guyub rukun kang satuhu
Transparan sadayanira
Rasa curiga singkiri
Tata tentrem raharja nung pendidikan

Mangga samya amemuja
Ngarsa Gusti Maha Suci
Sedaya ingkang sinedya
Mugiya Gusti ngudanani
Kanugerahan gya tumurun
Rahayu ingkang pinaggya
Ing akhir tembe wuri
Sedaya tumeko sedya panumunnya

Mutu pendidikan ira
Para siswa siswi sami
Ing talatah kutha Batang
Sedaya lelomban mesti
Dadiya siswa pinilih
Jawa Tengah kang satuhu
Kapinteran para siswa
Tangga kutha sami ering
Mangga samiya jagi mutu pendidikan

Panyuwunnya pra pangarsa
Mutu pendidikan dadi
Tetep unggul sedayanya
Anggegladi para siswi
Materi lomba sami
Aja nganti dadi mudhun
Para dwija gya gumbregah
Cancut tali wandha aglis
Mutu pendidikan Batang tetep jaya

Komite sekolah muja
Mugya winantu lestari
Tumeko ingkang sinedya
Programe sekolah dadi
Gembira para siswi
Angupadi ngelmu luhur
Migunani Nusa Bangsa
Sumrambah marang Nagari
Komite Sekolah reno penggalihnya

Program komite sekolah
Pendidikan den awasi
Supaya bisa tumeka
Pendidikan bisa dadi
Patuladhan ning nagari
Pra dwija tuimindak jujur
Nggegulang pra tunas Bangsa
Dadiya pangarsa pinilih
Amangun maju ning pendidikan nyata


Pangayubagya
Ketua Dewan Pendidikan Kabupaten Batang
H. As. Yunan Thoha NHD

Pangripta
Untoro Sabda Hadi Sasana